دہرادون،21؍دسمبر(ایس او نیوز؍آئی این ایس انڈیا) اتراکھنڈ اسمبلی کا سرمائی اجلاس پیر سے شروع ہوگا۔ اجلاس سے قبل اسمبلی کے اسپیکر پریم چند اگروال نے کل جماعتی میٹنگ اور کاروباری مشاورت کی۔ میٹنگ میں اسپیکر اسمبلی نے تمام فریقوں سے پرامن انداز میں سیشن منعقد کرنے کی اپیل کی۔کاروباری مشاورت کی میٹنگ میں دو روزہ کاروبار کا فیصلہ کیا گیا ہے۔

اسمبلی کے اسپیکر پریم چند ایگروال نے کہا کہ پیر کے روز آنجہانی ایم ایل اے سریندر سنگھ جینا، سابق ایم ایل اے اور اسمبلی ڈپٹی اسپیکر انوسویا پرساد مکھوری، سابق ایم ایل اے سندر لال منڈروال، کرشنا چندر پونتھا، تیجپال پوار کو خراج عقیدت پیش کیا جائے گاتعزیتی پروگرام کے ساتھ ایوان کے فلور پر ایک ضمنی بجٹ پیش کیا جائے گا، جبکہ 22 دسمبر کوسوالی گھنٹے کے ساتھ قانون سازی کا کام ہوگا جس میں ایوان کے ٹیبل پر 5 بل بھی رکھے جائیں گے۔ ممبران اسمبلی کی طرف سے 484 سوالات بھی پوچھے گئے ہیں، جن کا حکومت جواب دے گی۔